Beesha Caasimada Galmudug ee Dhusamareb ayaa si adag uga hadlay kana soo horjeestay cid kasya oo amaanka Magaalada wa u dhibaysa waxa ayna beeniyeen in Maleeshiyaad ku abtirsada la soo abaabulay taasoo ay been abuur ku sheegeen.
Kulan ay maanta oo taariikhdu tahay 29/05/2026 ay caasimadda Galmudug ku yeesheen waxgaradka beesha Yabardhowrakece sida odayaasha, aqoonyahanka, saraakiisha iyo siyaasiyiinta beesha, ayaa diiradda lagu saaray xoojinta nabadgelyada caasimadda iyo taageeridda hannaanka doorashooyinka qof iyo codka ah.
Kulanku wuxuu si adag u adkeeyay muhiimadda ay leedahay ilaalinta amniga, wadajirka bulshada iyo in laga shaqeeyo xasilloonida deegaanka, iyadoo la garab istaagayo dadaallada lagu xaqiijinayo doorasho qof iyo cod ah oo ku dhisan rabitaanka shacabka.
Beesha ayaa isku raacday qodobo muhiim ah sida taageeridda go’aannada Dowladda Federaalka ee ah doorashooyinka qof iyo cod ah, la shaqaynta laamaha amniga si loo ilaaliyo Amaanka caasimadda Galmudug, ka hortagga abaabul kasta oo daganaanshaha magaalada Dhuusamareeb wax loogu dhibayo iyo inaysan jirin cid magacooda ku matasha hubaynta maleeshiyaadka aan sharciga ahayn.
Shirkan ayaa nuxurkiisu ahaa in laga hortago wax walba oo Bulshada iyo amniga magaalada ka hor imaanaya si looga fogaado qalqalgelinta bulshada.
Kulamada amniga looga hadlayo ee u dhexeeya laamaha amniga iyo bulshada ayaa muhiimad siinaya Nabada magaalada, iyadoona Dhuusamareeb iyo nawaaxigeeda si weyn ay uga socoto u diyaargarowga doorashooyinka. Beesha ayaana sii wadi doonta shirarka iyo kulamada taageeraya amniga iyo deganaanta.
